Palang Pintu..( Perkawinan Adat Betawi)

Ada beberapa adat perkawinan di Negeri ini ade Adat Jawa,Sunda ato Adat Sumatera..kalo yang ane sebutin tadi ane kurang gak tau..tapi yang ane ingin omongin disini adalah Adat Kebudayaan kite nih Betawie..mungkin untuk zaman sekarang yang namanye Adat Betawie tuh dah Jarang diliat mmm..mungkin dah pade lupa kali ye..Palang Pintu..(nah ape lagi ni Bang..??). kalo dibeberapa daerah acara penyambutan besan atau calon pengantin pria gak ada yang aneh paling sekedar basa-basi atau hanya obrolan biasa..tapi kalo di Jakarta..Khususnya Masyarakatnya yang masih Notabene megang Adat istiadat Betawienya..ini satu keharusan yang musti ade..kalo kagak..waduh..bakal dimarahin ato diomelin ama tetua Adatnye..nah coba ini ada sekelumit yang kebetulan ane dapat dari tempat temen ane yang tinggal di Daerah Srengseng Sawah Jakarta Selatan n mungkin ade yang ane edit dikit-dikit ye..tapi buat nambah pengetahuan ki aje nih sebagai Orang Betawie..nyok..nyok..mulai dah

Perkawinan, adalah salah satu perjalanan manusia yang dianggap
sakral oleh masyarakat Betawi. Saking sakralnya, maka ada beberapa
prosesi yang harus dilalui kedua mempelai menjelang pernikahannya.
Salah satunya adalah Palang Pintu.
Upacara pernikahan diawali dengan arak-arakkan calon pengantin
pria menuju ke rumah calon istrinya. Dalam arak-arakan itu, selain
iringan rebana ketimpring juga diikuti barisan sejumlah kerabat yang
membawa sejumlah seserahan mulai dari roti buaya yang melambangkan
kesetiaan abadi, sayur-mayur, uang, jajanan khas Betawi, dan pakaian.
Selain itu, perlengkapan kamar pengantin yang berat seperti tempat
tidur serta lemari juga dibawa dalam prosesi arak-arakkan.
Tradisi Palang Pintu ini merupakan pelengkap saat pengantin pria
yang disebut "tuan raja mude" hendak memasuki rumah pengantin wanita
atawa "tuan putri". Nah, saat hendak masuk kediaman pengantin putri
itulah, pihak pengantin wanita akan menghadang.


Awalnya, terjadi dialog yang sopan. Masing-masing saling bertukar
salam, masing-masing saling mendoakan. Sampai akhirnya pelan-pelan
situasi memanas lantaran pihak pengantin perempun ingin menguji
kesaktian dan juga kepandaian pihak pengantin laki-laki dalam berilmu
silat dan mengaji.
Baku hantam pun terjadi. Sudah pasti, akhirnya pihak lelakilah
yang menang. (He he he... kalau pihak lelaki tak menang, tentu gak
akan terjadi pernikahan bukan?).


Usai memenangi pertarungan, pengantin perempuan pun biasanya
meminta pihak lelaki untuk memamerkan kebolehannya dalam membaca Al
Quran. Dan sudah pasti lagi, ujian ini pun mampu dilewatinya.


Berikut adalah drama satu babak ketika acara Palang Pintu
berlangsung yang diwakili oleh pihak pengantin Perempuan (P) dan
pihak penganti Laki (L).


P: Eh . bang-bang berenti, bang budeg ape luh.Eh. bang nih ape
maksudnye nih . selanang-selonong di kampung orang, Emangnye lu kagak
tahu kalo nih kampung ade yang punye?...
Eh. Bang, rumah gedongan rumah belande, pagarnya kawat tiangnya
besi, gue kaga mao tau nih rombongan datengnye dari mane mau kemane,
tapi lewat kampung gue kudu permisi.(mau tahu kelanjutannya gak...?)
(kelanjutannya)
P: Alaikum salam.

L: Begini bang.makan sekuteng di Pasar Jum,at, mampir dulu di
Kramat Jati, aye dateng ama rombongan dengan segala hormat, mohon
diterime dengan senang hati.

P: Oh . jadi lu uda niat dateng kemari.eh.Bang, kalo makan buah
kenari., jangan ditelen biji-bijinye.kalo ku udeh niat dateng
kemari.gue pengen tahu ape hajatnye?...

L:Oh. jadi Abang pengen tahu ape hajatnye.emang Abang kage di
kasih tau ame tuan rumehnye.Bang, ade siang ade malam, ade bulan ade
matahari, kalo bukan lantaran perawan yang di dalam, kaga bakalan nih
laki gue anterin ke mari.

P: Oh. jadi lantaran perawan Abang kemari?...Eh. Bang, kage salah
Abang beli lemari, tapi sayang kage ade kuncinye, kage salah abang
datang kemari, tapi sayang tuh. perawan ude ade yang punye.

L: Oh.jadi tuh perawan ude ade yang punye, eh .Bang crukcuk
kuburan cine, kuburan Islam aye nyang ngajiin, biar kate tuh perawan
udeh ade yang punye, tetep aje nih laki bakal jadiin.

P: .Jadi elu kaga ngerti pengen jadiin, eh . bang kalo jalan lewat
kemayoran, ati-ati jalannye licin, dari pada niat lu kage kesampaian,
lu pilih mati ape lu batalin.

L: Oh. jadi abang bekeras nih.eh .Bang ibarat baju udah kepalang
basah, masak nasi udah jadi bubur, biar kate aye mati berkalang
tanah, setapak kage nantinye aye bakal mundur.

P: Oh. jadi lu sangke kage mau mundur, ikan belut mati di tusuk,
dalam kuali kudu masaknye, eh. nih palang pintu kage ijinin lu masuk,
sebelum lu penuin persaratannye.

L: Oh.jadi kalo mao dapet perawan sini ade saratnye, Bang.?

P : Ade., jadi pelayan aje ada saratnye. apa lagi perawan.

L: Kalo begitu. sebutin saratnye. Bang.

P: Lu pengen tau ape saratnye.kude lumping dari tangerang, kedipin
mate cari menantu, pasang kuping lu terang-terang, adepin dulu jago
gue satu-persatu.

L: Oh. jadi kalo mao dapet perawan sini saratnye bekelai Bang.

P: Iye . kalo lu takut, lu pulang.

L: bintang seawan-awan, aye itungin beribu satu, berape banyak
Abang punya jagoan, aye bakal adepin satu-persatu

Setelah adegan di atas, pemain palang pintu biasanya melanjutkan
dengan kembangan. Berikut adalah petikannya.

L: bang, lu tau dalemnye rawe, pasti lu tau kali semanan, kalo mau
tau namenye jaware, nih lu liat gue punye maenan (jalanin jurusnye ).
Nih ..baru kembangnye .. Bang.ntar buahnye..

P: Kelape ijo ditusuk belati naek perahu lurus jalannye. udeh
banyak jago yang mati nih jurus pukulannye (jalanin jurusnye)kalo elu
buahnye.nih bijinye..

Beradu jurus pun berakhir. Pihak pengantin lelaki keluar sebagai
pemenang. Perbincangan pun dilanjutkan kembali.

L: Gimane Bang.rase-rasenye jagoan Abang udeh pade rontok semua
nih. ape aye ame rombongan udah boleh masuk?...ape masih ade saratnye
lagi Bang?...

P: Ntar dulu Bang, enak aje. pan lu tau.buah cereme jangan
diasinin makan nasinye di kandang kude sarat pertame emang lu ude
penuin.tapi masih ade sarat yang kedue.

L: Sebutin udah bang jangan lame-lame

P: Tukang lakse dagangnye malam jalannya muter ke pasar kranji gue
minta elu jangan cume bise berantem tapi gue pengen denger lu bise
ngaji.

L: Tumbuk ketan jadinye uli, ulinye juge kudui ditapeni. betaun-
taun anak kampung gue bisa ngaji. lagu yang Abang minta aye bawain

(baca sikeh)

Gimane Bang. soal berantem aye udah ladenin, soal ngaji abang
udah dengerin ape aye ame rombongan udah boleh masuk, ape masih ade
saratnye lagi, bang?...

P: Cukup-cukup dah Bang.rase-rasenye kage sie-sie aye bebesanan
ame Abang. soal silat Abang jago.soal ngaji Abang bise.aye Cuma bisa
bilang.
buah mangga bukan sembarang mangga
buahnye satu tulung petikin
aye bangga bukan sembarang bangga
mantu yang begini yang aye arep-arepin
ahlan wasahlan buat Abang ame rombongan.
Assalamu, alaikum.
Tabe n Tammat